NIZAM VANGKHUA HRUT VELIN

By Lallianzuala Fanai

Date October 16 at 3:06pm

Suangtuahna a lang pha ngailo; hotunu te bengvarna leh inpekna a zarah Hyderabad tlawhna hun tha tak keini Mass Comm. Zirlaiten kan nei thei kha a lawmawm in hriatrengna luahtu te zing a pakhat a ni hial in ka ring. A sakhming chauh kan hriat, a khawthleng leh mual mut dan riruat pawh ka thiam loh Nizam Lalna vangkhawpui Hyderabad kan tlawh dawn tih ka hriat khan engtia lo dawnsawn tur nge ka hre hauh lo. Phur viau dawn ila phur sual ka hlau si; phur lo lutuk ila thiante ho an hnual ang tih ka hlau deuh bawk nen awmdan thiam a har khawp mai. Engpawh nise, phaitual a zinchhuah a, nuam ti taka leu ziai ziai tur kan ni lo bawk a, ka hmangaih Zoram chuan amah phatsan ah min ngai lo turah ka ngai.

 

THLIRLETNA :
 

Zinchhuah dawn avanga nu leh pa te thlah ngai 3 kan la awm. Pakhatna: Tetei. Pahnihna: Sangtea. Pathumna; ka theihnghilh tlat. HAHA.. Dar 11;30a.m ah Babu tlang thlen vek tur a ni a. Thenkhat dar 11:00a.m a an thlen tawh laiin dar 12 rik a thleng chauh te kan awm a, chhuah hun tawh a thawmhnaw thui ngai kan la awm tlat mai te kha hriatrengna lailum luah tur atan chuan a pamhmai ka ti. Kan chhangchhe HRAW-HRUIH a ni ber E.
 

SUMO chuan chu mawng a kham duh e! : Kan chuanna Group in thupui pawimawh tak tak kan sawiho (YMA kalphung, Tlawmngaihna, Ramhnuk khawih thil) laiin Group II ho chu zaiin hun an hmang. An hlim a keini thu lam ah kan puar.
GUWAHATI MIZORAM HOUSE: A nuam mahse Sangtea hlauthawngin an siam. Ka tel ve lo. Kan chaw lak pawh a tha hlawm khawp mai. Chaw eina tura kan buai deuh hman kha chu kan thiamloh a ni lo, an thiamloh a ni.
 

HEI LE, REL : Vawite khat mah Rel la hmu velo nafam chuan Rel sei zawng kha zopa tehna tha ber mai a teh ka tum.. COACH or Compartment pakhat kha ka hlam 13 (sawmpathum ) a ni.Rel pakhat ah hian coach 15 lo awm ta se. 5.6 ft (hlam khat)x13(Coach 1 hlam zat) x 15 = 1092 feet a lo ni dawn tihna nih chu. Tin, Coach 1 ah hian mihring 72 vel chuang thin ang a lo ni a. 72 x 15 = 1080. Rel pakhata chuang thin chu mihring 1100 ang vel an lo ni ta (thawktu te leh Ticket neilo telin).. A pawi ta ber chu Rel khalhtupa hmaichhana ka hmu lo kha a ni!
 

REL BEHBAWM : (a) Tuai ; An nihphung diklo avanga sum an khawn kha ka hrethiam theilo. An inzuar pawh ni hleilo. Sangtea’n vawihnih pawisa a pe. A tumhnihna ah phei chuan Rs 10 nawi a neihloh avangin Rs 50 a pe a ‘Rs 30 min kir mai rawh’ a tia tha takin a kir ve leh mai. (b) Kutdawh ; Mizorama Rel lo luh kan hlauhna chhan ber te zinga mi Kutdawh ho khan ka thinlung an tikhauh leh zual. Kan chettlatna tifaia pawisa min diltu te erawh ka lainat khawp mai. (c) Thil Zuar ho ; An fakawm rualin an ninawm. Muttui lai taka aw ki nalhlo leh sang tak tak a an lo ui ketang rak ve chhen phei chuan thin an tirim leh zual. Tin, an tangkai bawk; a bik takin Nunmawii, Rammuana leh Sangtea tan phei chuan an chakkhai lamna ber an ni.
 

HYDERABAD : To be continue…..(Chawngkhum dan tlang huat loh)